我真係好掛住沙巴啊!!!
第一天
6點鐘左右就去到機場, 食早餐, 等CHECK IN~
第1次搭細機, 去搭Shuttle Bus 到一個細細的check in 地方!!!
(其實只係轉一個靚彎就到)
8點鐘左右就起飛, 出發去亞庇嚕''*
係飛機上見到既天空...真係好美啊!!!
2個半小時左右的機程, 終於到達沙巴了!!!
落機之後就去搵接我地機既人啦~原來接我地機既人係"完美假期"既員工黎架~
仲比左D Day Tour 資料我地睇tim~ (同我係email 問佢地既資料係一樣)
所以如果係出發之前冇準備到Day Tour既野都唔緊要架!!
即時可以同佢地報架, 同埋係出發個日先比錢架添~
(記得要問清楚你報個日係中文定英文導遊喔)
跟住我地坐車去碼頭啦''*
因為我地第1晚係住Gayana Eco Resort 啊!!!
係個碼頭度影返張相先~~
我地坐既就係哩款 "大飛" 啦!!!
船程大約十分鐘左右~
佢哩架船第1個目的地係Gayana, 第2個目的地係Bunga raya Island Resort''*
藍天白雲 + 藍藍既海洋...睇見到都好Relax 啊!!!
等Check in 既期間, 當然要周圍影下相啦!!!!
哩度就係Gayana Eco Resort~ 哩度周圍都有Wifi 架''* 勁呀!!!
好靚既影色'''* 真係度假feel 爆登呀~~
哩間就係我地間房啦!!!! King Bed 啊~''*
因為我地係3個人一間房, 本身要佢地加床比我地既!!!
不過佢有張Sofa 床, 所以冇加到嚕最後~
佢地既房仲可以通去隔離個間房架~~
如果有fd咁岩係住隔離個間既話, 就可以加通佢呢''*
間房既露台, 有2張太陽椅''*
仲有條樓梯可以直接行落海架~!!!
本身我地訂既房係冇得直接行落海架''*
不過去到佢地幫我地Upgrade 左2間房~~~
咁就可以嘆得舒服好多啦~
擺得哂D野, 換好哂衫, 就去酒店既西餐廳食個lunch 啦!!
個餐飲望住個個View, 都係好正架''*
我地Order 左2個Pizza, 一個喇沙同埋炸雞翼''*
仲有每人一杯Mango Shake 啊~~~
食飽飽就去左酒店既迷你水族館~
可以用手摸下d 海參呀, 海星咁''* 睇下我的肥仔玩得幾玩心!!!
睇完之後就去左酒店既浮潛Area 個度睇下魚魚''*
不過D 水唔係太清, 都係上次去Cebu 個度d 水清好多啊!!!
浮潛完之後就返左房度Hea 下~~
我地就係個露台度曨下太陽咁!!!
好Relax 好舒服啊!!! (加插懶係型既肥仔)
個露台望落海係有好多魚魚架''* 都好大條架!!!!
當然唔少得係個露台影下相啦!!!!
我地間房望出去既view 啊~~
Hea到大約6點幾我地就去左酒店既Bar 個坐底飲下野啦!!!
因為佢地係6點至7點哩段時間有free 既cocktail 飲呀~
之不過係指定1款Cocktail 黎架''* 但係都好爽呀!!
望住咁靚既view 坐底飲下Cocktail 食下佢地既香蕉乾~
真係好好feel 啊''* 正~~
到夜晚就去左食中餐''*
不過酒店度食野真係好貴啊~~~~但係又冇得揀!!!
係酒店仲有得免費借DVD 返房睇架''*
可能佢地怕D人冇野做, 悶得滯呢~~
咁好VIEW 既地方, 真係好想再去啊....!!!
沒有留言:
張貼留言